سئوگیلیم 
آزادلیق عطیرلری ساتیرام 
ایسفند خیاوانینین 
ایکینجی یاساق پیلاکیندا 
بیزه‌ده گله‌رسن 
توکانیمادا 
گله‌نده 
بیر یاریم سیقارا 
بیرده تبریزی گتیر 
ائویمیز قوناق گئتسه 
سیقار قوتولاریندا ایله‌شریک 
یادا گلمه 
آغاج‌لار جانی 
وطن جانی گلمه بیزه 
آخی ...
یوخولاریمدا اؤله‌ن آداملار 
سحر چاغی دیریلدیلر 
اؤلدولر 
دیریلدیلر 
دیلیمین قابارلاریندا ایسفند آیی 
ساچلاریمین دن‌لرینده ایسفند قاری 
منی گؤرمه 
اوزوله‌رسن..
بیزه گلمه 
اؤلرسن..
یادا 
بیزه گلسه‌ن 
ائلیمی‌ده گتیر 
دیلیمی‌ده

پینار شاکیر