پاردوکسال یوروم/بهروز اسماعیل زاده

+0 بَیَن

آلبر کامونون "یابانجی"کیتابینین ایلک سطری بئله باشلانیر : آنام بؤیون اؤلدو. بو باشلانقیج،اولدوقجا ایلگینج دیر.  بیر اؤرنک داها وئریم : فرانتس کافکانین "مسخ"کیتابینین ایلک سطری بئله باشلانیر : گرگوار سامسا یوخودان آییلدیغیندا اؤزونو حشره یه چئوریلمیش بیری اولاراق گؤردو.دونیا ادبیاتی بو تیپ اؤرنک لردن دولودور . بلکه ده ایلگینج بیر شئی دئییل آنجاق، بو باشلانقیج لاردان اؤنملی  بیر دوشونجه اورتایا چیخیر...

*یازینین آردینی اوخوماغا آشاغییا تیخلایین*


آردینی اوخو

بیری گئچمیشینی اؤزوندن آسدی/پینار شاکیر

+0 بَیَن


بیری گئچمیشینی اؤزوندن آسدی
بیری اؤزونو آسدی گئچمیشینه
بیری آسدی
بیری آسیلدی
گئچمیش،
گئچمه میشدیر یوخولاریمدا..
گئچمیش،
گئچدیم لریمده ایتیلمیش
بیر گله جک دیر...
گله جک دیر
گلمیه جک دیر...
من گله جک لریمده ،
گلمیه جک بیرینین حسرتینده یم...
اونداندیر دیسگینیرم
آییلماقدان



"پینار شاکر "



"شاعیر و مونتقید"/ امین حاجیلو

+0 بَیَن


اؤن سؤز:بوردا هانچیسا بیر مونتقید نظرده توتولماییب دیر و یازی قاورام اوزریندن یول آلماغا چالیشیر.بو یازینی یوزانلار اؤز دوشونجه لرینین سورملوسودورلار.

تنقید و یازار قاوراملارینین دییشیمی هابئله بیر بیریندن قوپماسی کاپیتالیزمین(سرمایه داری) اینحیطاطی ایله باش وئردی.


آردینی اوخو


آردینی اوخو

ayrılıq/آیریلیق-واهاب حاجی زاده

+0 بَیَن


هانسی دووارلارا یازیرسان یاز
آیریلیق اؤگئی دیر
ایستر سنله منیم آرامدا
ایستر منله هرکس آراسیندا
ایستر لاپ بئله اؤز آرامدا
گؤی اوزونون هانسی قاتینا قاتلانیب یالوارمالیسانسا یالوار
آیریلیق بیر قوشدور
یاری قارقا
یاری بایقوشدور
آماندی چرچیوه لری اؤزگور بوراخ
ایراااق بو قوشدان
بورا بیر قوش قوندو
بیری گؤردو
بیری شئعرلرینین خئییر شرینه قاتدی
بیری بسته له ییب نوتا باغلادی
بیری سسینه  دویونله دی
آما..
مین بیری یاندی
مین بیری اوخودو
یاندی اوخودو
اوخودو یاندی
یاندی اخودو
یاندی-قیندی اوخودو
یاندی اوخودو
قیندی اوخودو
قین دی اوخودو
آیریلیق بیر قوشدور
یاری قارقا...
 یاری بایقوشدو
آماندی چرچیوه لری اؤزگور بوراخ
ایراااق بوقوشدان



"واهاب حاجی زاده"




قارالاما آخینی و دیالکتیک

+0 بَیَن

 یونانلی فیلوزوف "هراکلیت"ین فیکیریجه بیر چای دا ایکی کره اوزمک اولماز،چون نه چای همین چای دیر و نه آدام همین آدام.هراکلیت مین ایللر اؤنجه بو دوشونجه نی ایره لی سوردویوندن دولایی مقبوله گئچمه دی آنجاق آلمانیالی فیلوزوف "هگل" بو دوشونجه نی یوغوروب هابئله اکله دیی اوچ اصل ایله،دوشونجه یه اینانیلماز بیر کیملیک آشیلادی;
دییشیم،موتقابیل ائتگی و پارادوکس.



آردینی اوخو

بهروز ایسماعیل زاده دن بیر یازی

+0 بَیَن


والتر بئنیامین "تئکنیک آراچلارلا یئنی دن اوره تیم چاغیندا هنر اثری" مقاله سینده ،اؤنملی فاکت لاری اوزه چیخاریب،و هنرین قوتساللیغینین آرادان گئتمه سینی و سیاست ایله ایچی ایچه اولدوغونو اؤنه سورور. میثال اولاراق رسیم دن،هئیکل دن،تئاتر دان سؤز آچیر و اونلارین قوتساللیغینین آرادان گئتمه سینین ندن لری نی آچیقلایارکن ،فوتوگراف ،سینما،مدرنیته،و فاشیسم دن آد آپاریر.بو اؤنملی مقاله ده ،چاپ لیتوگرافی ،گرافیک و پاپ آرت واسیطه سی ایله چوخالان هنری، تنقید گؤزو ایله باخیب ، و اونلاری، اثرلرین "آیینی"مقاملارینا توخوندقلاری اوچون محکوم ائدیر. فوتوگراف لا سینمادان اؤرنکلر وئریرکن بئله دئییر :اثرین "بدل"بیر  نوسخه سی بوتون اولسا بئله اؤنملی بیر فاکتی یوخدور اودا اثری بیریجی وارلیغی اولان اؤز یئرینده اولماق دیر.



آردینی اوخو

بهروز ایسماعیل زاده دن بیر یازی

+0 بَیَن

بومگارتئنین گؤزل دویو "استتیک،asethatic" اوزه رینه چالیشان یازیلاریندان اورتایا چیخان،اؤنملی بیر شئی وار :
گؤزل دویو "استتیکی"یارادان شاعیردی،آچیقلایان ایسه فیلوسوف
بو سؤزدن بیر نئچه دوشونجه گلیر عاغلیما

○ گؤزل دویونو ایلکه دن ایمگه یه دؤنوشدورن،شاعیر اولدوغو اوچون،شاعیر هر زامان اؤنجول دور
○ اؤنجول بیر دوشونجه،تجاووزا معروض قالیر
○ تجاووزا معروض قالان بیر دوشونجه ده،سادجه "فرم"دئییشیلیر.قاورام ایسه عئینی دیر
○ قاورام"کلی"بیر وارلیق اولدوغو اوچون،یانلیش آنلاشیلمالارا ندن اولور
○ یانلیشلیقلارا ندن اولان بیر وارلیق،پارادوکس لار ایچینده یاشاییر
○ پارادوکس لار ایچینده یاشایان بیر وارلیقی، اورتادان قالدیریلماق،سانسور ائتمک، ،سوسدورماقلا آرادان آپارماق اولماز
● نوت:
ایلکه لری تانیماییب،دوشونمه ین بیر توپلوم،آرادان گئتمه یه محکوم دور.
ا.ی:
توپلوم ،/گؤزل هویلوم/سروی بویلوم/ اینجه گولوم/دیمه دوشر/منیم توپلوم آنلامیندا دوشنمه یین لوطفن.

سایقی و سئوگیلریمله:
بهروز اسماعیل زاده




اوستاد نادیر ازهری نین،قارالاما مانیفئستینه باخیشی؛ اوچونجو بؤلوم

+0 بَیَن



2016.1.30a qeder Qaralama şairlerinin bir sırasından Qaralama sahesinde oxuduğum şeirler bunlardır:
("Behruz İsmayilzade"nın:
1-Bir qışqırtı çaldı içimde...
2_Dam duvara dırmaşan bir sözcük var elimde...
3_Üç boyundan asılı bir şe'rim...
4_Evden qayıdıram...
5-Gözlerimde gedirdileri axsatdılar...
6_Nuqteden nutfeye bir mektub var elimde...)
("Emin Hacılu"nun:


آردینی اوخو

امین حاجیلودان بیر قارالاما

+0 بَیَن

چکیلدی
اودقوندو ایلک سیلوقانی
ات دن بیر دووار هؤرولدو
قاردیان لار ایچقیردیلار
ساریمساق قوخویوردو هاوا
و یاغمور اسارتینه دادانمیشدی یئرین
تورپاق قان ایچمه یه آند ایچمیشدی
و راستلادیقجا شوعالارینا گونشین
گنجین گؤزلرینده قان اندریردی حایات
اودقوندو و ایچقیردیلار
ایچقیردیلار و بوغازیندا قرقره ائله دی حایاتی
قان گلدی
خوش گلدین دییه بیلمه یه زامان کسیلدی
میدان دا بوغا لعنتینه اوخشاییردی قیرمیزیلار ایچینده
هر قیرمیزی بیر آز قان دیر
هر قیرمیزینی قاندیر بیر آز
قاردیانلار و قانان لار آراسیندا یئره دوشموشدو
قان رنگینده بیر شعیر
ساده جه باخمیشدی و زامان کسیلمیشدی
گؤتوره بیلمه میشدی
یاغمور بیرلشدیرمیش دی ساریمساق قوخوسونو
هر کس بیر آز قاردیان
هر کس بیر آز ائیلمجی دیر
و قیرمیزی دیر قان هر یئرده
و شعیر
کیمی زامان اگناسیو سانچز مخیاس
و کیمی زامان امین اولور
قیساجا
اوزون بیر آغیت دیر
قیسا اودقونمالار ایچینده



"امین حاجیلو "




اوستاد نادیر ازهری نین،قارالاما مانیفئستینه باخیشی؛ ایکینجی بؤلوم

+0 بَیَن
Qaralama axımının Analizi (2):

Eziz doslar önce bir izahla başlamalıyam
Manifesto Terminlerinin ingilizcesini türkcesile birlikde yazmaq anlaşılmamazlığı daha da azalda biler,çünki biz edebsel tenqidde temamen batı dünyasının üretdiyi terminlerle yüz yüze gelirik ve bu terminlere hele bizim dilde tam olaraq qebul görmüş kelmeler azdı,kelmelerle güleşirik...



آردینی اوخو