بدل بیر اثرین چوخالماسی ایسه،باشقا بیر مووقعیت لره یول آچارکن،هنری بیر اثر اولماق دان اوزاقلاشیر.بئله لیکله اثر اؤز یئریندن چیخیب،و هنره ماراقلی اولان بیرینین آتلیه سینه چئوریلیر.وبیر موسیقی قوروبون کوروسو تالار یئرینه بالاجا بیر ائوده ائشیدیلیر.بیر اثرین چوخالماسی،اورجینال اثره ائتکی بوراخماییر آنجاق،هر زامان اونون ائتکی سینی آرالدیر.

بونلاری یازدیغیمین ندنی ایسه بودور: والتر بئنیامین مقاله سینده آد آپاردیغی هنر ساحه سیندن ،اؤنملی بیر هنرین یئرینی بوش دور.اودا "شئعیر" دیر.

بس شئعیر ؟

شئعیر چوخالماییر می؟شئعیرین قوتساللیغی آرادان گئتمه ییر می؟ شئعیرین "بدل"نوسخه سی یوخمو ؟شئعیرین ائتکی بوراخاجاق آلانی آزمی؟

ذئهنیمده گئدن اؤنملی سورولاردان بیری ده بودور: والتر بئنیامین فیلوسوف اولدوغو اوچومون شئعیری هنر بیلمیر؟

اویسا فلسفه نین نه قدر شئعیره دوشقون اولدوغو دانیلمازدی.

 حال بو کی اونون یازیلاریندا اؤنده گئدن مووضولارین بیری گؤزل دویو "استتیک "دی.گؤزل دویو ایسه باشقا هنرلرده اولدوغو کیمی،شئعیرین ده اؤنملی و تمل مووضولاریندان بیری دی .بلکه ده شئعیردن خوشلانماییر؟ و شئعیرین مدرن دونیا ایله -بیلنج لی یادا بیلینج سیز- ایلگیسی اولمادیغینی دوشونور.  بئنیامین گنج چاغلاریندان قالما شئعیرلری وار و لاپ اؤنملی سی شارل بودلئرین شئعیرلرینین اوزه رینه یازدیقلاری بئله وار. مقاله نین ایچینده والئری دن ده سؤز گئدیر.- ایگیرمی ایل شئعیرن ال  چکسه بئله-

...

"بهروز اسماعیل زاده"