بیر سیرا آذربایجان شاعیر و یازیچی لارینین آچیق مکتوبو

+0 بَیَن
بیر سیرا آذربایجان شاعیر و یازیچی لارینین آچیق مکتوبو

"وجدانین سسی بوتون قانونلارین اوستونده دیر"
ماهاتما گاندی
"وجدانیمیز یانیلمایان بیر قاضی دیر، بیز اونو اؤلدورمه یینجه"
بالزاک

1.سون زامانلار "آذربایجان چاغداش شعیر آنتولوگییاسی" (آغ مقبرلرین
شاعیرلری) آدلی یئنی بیر کیتاب ایشیق اوزو گوروب. بو اثری چاپ ائدن سعید موغانلی و صالح سجادی بَی، معاصر ادبیاتیمیزین بیر چوخ تانینمیش شاعیرینین اثرلرینه یئر وئرمه ییب دیلر.بونون اساس سببلریندن بیری سعید موغانلی ایله صالح سجادینین میللی سوییه ده گئدن آنتولوگیالارین علمی چرچیوه سیندن خبرسیزلیکلری،بو ایشه قادیر اولان صادیق،یان ساخلامادان علمی ساوادا مالیک اولان ضیالی ادبیاتچیلار ایچینده یئر آلمادیقلاری اولسا دا،گؤزه گلن چاتیشمازلیغین آنجاق داها درین سببلری وار. شعیرلرینه یئر وئریلمه ین شاعیرلرین بیر چوخو، سعید موغانلی بَیین ادبی اوغورلوقلاری و ادبی اثرلرینی تنقید ائتدیک لری اوچون بو حاقسیزلیق و عدالت سیزلییه معروض قالیبدیلار.

2.یونانجادا "آنتولوگییا" سؤزونون معناسی "موختلیف یازیچی لارین اثرلریندن (اساسن، شعیرلریندن) عیبارت سئچیلمیش اثرلر مجموعه سی" دیر. "آذربایجان چاغداش شعیر آنتولوگییاسی" آدینین فارسجادا دقیق معادلی "مجموعه اشعار شاعران معاصر آذربایجان"دیر. دئمه لی سعید بَی، اونون ادبی اوغورلوغو و ادبی اثرلرینی تنقید ائدن لرین هامیسینی موقدس آذربایجان ادبیات جوغرافیاسیندان سیلمه یه و یوخ ائتمه یه چالیشیب.

3. سعید موغانی بَیین، ادبی اوغورلوغو، و ادبی اثرلرینی تنقید ائدنلر، غئیری دئموکراتیک شکیلده فیزیکی و فیکری باخیمدان آذربایجان ادبیاتی تورپاغیندان رئپرئسیا (تسویه) ائدیلیب دیلر. اونو شیفاهی و کتبی شکیلده تنقید ائتدیک لری اوچون تسویه اولان شاعیرلرین آدلارینی آشاغیدا اوخویا بیلرسینیز. محمد رضا لوایی، صالح عطایی، محمد صبح دل،حمید آصفی، ووقار نعمت، امین حاجیلو، غفور امامی زاده، زامان پاشازاده، بولود مرادی، میر جمال حسینی، ایلقار موذن زاده،جعفر بزرگ امین و ائلشن بؤیوکوند،دومان بختیاری، و...
4.ادبیاتمیزدا ادبی تنقیدین یوخلوغو و ضعیفلیگی حئسابینا مئیدانی بوش گؤروب، دیرلی و قیمتلی یازیچی و شاعیرلریمیزی فیکری باخیمدان یوخ ائدنلرین قارشیسیندا بیرلشمه لی و دیلیمیز و ادبیاتیمیزی قوروماغا چالیشمالی ییق.بونونلا بیرلیکده،پئرفیسیوناللیغی اوموروق.آنتولوگیانین نشرینه داها یارارلی اولان سعید موغانلی،شعرلری سئچمه یه لازم اولان طرفسیزلیک، بیلیم و تخصصدان یوخسوندور.علمی ایشلری عالملر باشا وورمالیدیر.

5."آذربایجان چاغداش شعیر آنتولوگیاسی" کیتابیندا اثرلری چاپ اولونموش عیسی زینی، قادر جعفری، واهاب حاجی زاده، محمد نوری، رضا نوری و ... باشقا گنج شاعیرلر سعید موغانلی و صالح سجادی نین بو مسئولیت سیزلیک و غئیری دئموکراتیک حرکت لرینی کسیکین و جدی شکیلده قیناییر و پیسله ییرلر.

6. ایندیه قدر ادبی سرقت،نشر تخلفلاری،مؤللف حاققینی پوزماغی و ساییره اوچون یوخاریدا آدی گئدن همین شاعیرلر و یازیچی لار طرفیندن تنقید اولونان سعید موغانلی بَی، دیلیمیز و ادبیاتیمیزین تانینمیش سئودالی لارینی "آذربایجان چاغداش شعیر آنتولوگییاسی"ندان سیلمه یه و یوخ ائتمه یه حاقی و حوقوقو یوخدور.

7. بیز آذربایجانین موستقیل و آزاد یازیچی و شاعیرلری کیمی سعید موغانلی نین بو تخریباتچی و آنتی دئموکراتیک حرکاتلارینی کسکین و جدی شکیلده قیناییر و پیسله ییریک. دیلیمیز، ادبیاتیمیز و اثرلری اوغورلانمیش یازیچی و شاعیرلریمیز طرفیندن سعید موغانلی نین ادبیاتیمیزدان رسمی و یازیلی شکیلده عوذور و باغیش دیله مه سینی ایسته ییریک. 8. عزیز اوخوجولار، دَیرلی قلمداشلار، سعید موغانلی و صالح سجادی بَی لرینین نشر ائتدیردیک لری "آذربایجان چاغداش شعیر آنتولوگییاسی"نین عدالت سیزلیک تملی (بنیانلاری) اوسته قورولدوغونو آشاغیداکی موقایسه دن آنلایا بیلرسیز.

بو آنتولوژی کیتابیندا:
بئش نفرین شعرلرینه اختصاص تاپیلان صفحه‌لر، أللی ایکی نفر ایله برابر دیر!
۱۲۱ صفحه بئش نفره
۱۲۱صفحه أللی ایکی نفره
بیرآددیم قاباغا آتیب بوتونلوک'له بیر عدالت محور آنتولوژی کیتابین ایزله‌مک اولار!

۲۱۳ صفحه اون نفره
۲۱۷ صفحه ۷۲ نفره
بیز یالنیز بو کیتابـدا آدلاری گئدنلره باخساق حادیثه نین درین بیر آجیسینی آنلایا بیله‌ریک!
سعید موغانلی و صالح سجادی هانسی صلاحیت'له سئچیملرینده، بونجا بؤیوک فرق و عدالت سیزلیک لره یول وئریب دیلر ؟
9. بیانیه نی امضالایان و سعید موغانلی،صالح سجادی و بو آنتولوگیایا قارشی اعتراضلی اولان شاعیر،یازیچی،ادبی_ مدنی چالیشقانلار:
 کیوان قربانی،حبیب یزدانی،شریفه جعفری،جعفر بزرگ امین،رقیه عبدیلی(سازاق)،رضا دهقان،محمد علی جعفری،ثریا سیمزاری،یوسف حجازی،شبنم توحیدی ( تانسو خیاولی)، ولی قاراداغلی، اباسط پور حسن، هادی بولوت، ثاقب رشت آبادی،مریم قربانزاده، ائلشن بؤیوکوند، بولود مرادی، آراز آصف، زامان پاشازاده، قاسیم پناهی،بهروز خلفی، فیروز فرج زاده آلیشان، محمد چالغین، طاهر ایمانی دینمز، غلامرضا پور محمد،خوشنام،سخاوت عزتی، محمدعلی نهاوندی (موغان)‌ نادر پاشایی (پاشا)، صمد چایلی، هانیه تبریزلی (آیمان)، احد فرهمندی (اویاق)،اینام گومانلی، اومان توران، سحر خیاو، رضوان حاجقاسملو(جانای)، منوچهر فضلی خلف(آذر ائللی)،بختیار فرخ، حسین رزمی(یایلیم)، محمود نعمتی(یورقون خان)، کهریز میران، ائلتاش صالحی،سمیه خانمحمدی،محمد صبح دل، ووقار نعمت، غفور امامی زاده، میر جمال حسینی، ایلقار موذن زاده، دومان بختیاری، آیحان میانالی، قادر جعفری، عیسی زینی، واهاب حاجی زاده، محمد نوری، رضا نوری، امین حاجیلو، محمد امینی، مسعود هارای، عسگر علیایی کلیان(عماد یاشیل)، محمد حسین سوداگر،توحید نامور (آدلیم)، مجید تیموری فر(صفا.)سایه اردبیلی،نازنین حیدرزاده(ائل قیزی)، سید حیدر دوامی عتیق، حمید احمدزاده(تیلیمخانلی)، جاواد اورمولو، عسگرعابدی(ایلقار)، پرویز سودی(دالغا)، اسماعیل خرمی،مهری زارع، زهرا نجفی،.رقیه هاشم‌زاده(خان‌صنم)،علی بابایی،روح اللاه شاهی(ماراغالی شاهی)، اکبر پاشاپور،رعنا زارع،علیرضا چهار برجی،لاله حقیقی،عیسی جوادی( داغلار)،آتیللا حاجی زاده،بیوک احمدی، غلامعلی حسین زاده (سیرداش)،علیرضا انباز ،حمید انباز، یعقوب احمدوند( آیریلماز)، میلاد عظیمی( سؤنمز قاراداغلی)،امید عزیزپور،احمد فتحی(یالقیز)،روزبه صمدی نیر اوغلو، مرتضی دوست علی نژاد"دینمز"،حسین امیدی اورمان،داود رحیمی(باریش)، محمد حسن نژاد (ایلقار)،فاطمه سراجی(تانری)

مکتوبا امضا آتماق ایسته ین شاعیرلر ، یازارلار و ادبی چالیشقانلار آشاغیدا کی لینک واسیطه‌سیله قوروپا قوشولا بیلرلر

https://t.me/joinchat/AAAAAEK4-ii0niyZ6j78EA

آچار سؤزلر : خوی, اهر, موغان, اردبیل, تبریز, زنگان, اورمو, ادبیات, آذربایجان, خیاو,