Sayın usta şaiir və müntəqid cənab"nadir əzhərinin"qaralama axınına olan ilgilərindən dolayı minnətdarıq.yaşasın avanqar düşüncə və düşünür

سه شنبه 29 دی 1394
+0 بَیَن

.

QARALAMA ŞAİRLERİMİZE BAŞARILAR

Sayın dostlar zaten telegram alanına girişim yeni, bu gün qaralama manifestosunu oxuyub bu ciddiyete ve çabaya sevindim tebreklerimi bir daha qebul edin kimse susmamali mence, men DONUQ ŞİİR tarzını yaratmağı düşünürem başqa tecrübeler ve tarzlere emek veren şair ve yazarlaremiz var malesef çeşitli nedenlere göre sukutla raslaşırıq,
Eziz Behruzismailzade,Hacilu ve bütün emek veren dostlar men nezeremi yazmaq isterdim,meni bir dost bildiğinizden emin olmağım daha gözle bir atmosfere götüre bilir bizleri,tenqid mubaheselerine 1391 de ön qoşullarimi yayınlamlşam o çizgide daha sağlam bir şekilde Qaralamaya göre yazmaq isterdım,sağolun

Nadir Ezheri
بؤلوم | یازار : قارالاما
0 باخیش

بهروز ایسماعیل زاده دن دوشونجه حاقدا بیر یازی

دوشنبه 28 دی 1394
+0 بَیَن

بیر شئعیری دوشونجه سی اورتایا چیخسین دئیه آچیقلاماق گرکیر.بیر فیلمی بوتون دئتایلاری لا سئویرایسک آچیقلاماق گرکیر.بیر رسیم،گؤزوموزو تومارلاییب،بیزه یئنی بیر لذت باغیشلاییرسا،آچیقلاماق گرکیر.
آنجاق،یئنه بیر سورون وار اورتادا.آچیقلاما ،شئعیری ،فیلمی،رسمی، دوشونجه،ایمگه،تکنیک آلانلاریندان -اؤزل اولمالاریندان-قوپاریب،ساده لشدیرمه هوسی ایله توپلوما سونور.


آردینی اوخو
بؤلوم | یازار : قارالاما
2 باخیش

بهروز ایسماعیل زاده دن بیر یازی

جمعه 25 دی 1394
+0 بَیَن
هر بیر توپلوم قیلیغدان قیلیغا گیره بیلر. و اوخویوب دوشنمه دیی بیر یازینی،نسنه یی،دورومو اؤزونه اؤرنک آلابیلر.بو اؤرنک، گلیشمک اوچون بیر ندن اولابیلمز. چونکو  توپلومدان اؤنجه آیری بیر توپلوم اونو منیمسه ییب ،ایشیق اوزونه چیخارتماسی اوچون تاوان وئریب.دئنه ییب،سینیب،سیندیریب، و نئچه دوشونجه ساواشیندان سونرا یاسا حالینا گتیریلیب.یاسا حالینا گتیریلن بیر دوشونجه،دوشونجه دئییل آرتیق. توپلومون ایچینده آنلامی نی بیلمه سلر بئله اونا باش ایمک اولار. اؤرنک اوچون:بیر توپلوم دوشونون.بو توملوم بیزیم توپلوم اولسون.بیزیم توپلومون هر هانکی بیر دوشونورونو دوشونون کی اؤز دوشونجه سینین یئرینه،قیلیغدان قیلیغا گیریب تاوان وئرن باشقا بیر توپلومون دوشونجه سی اوزریندن، میزی لاناراق اؤز توپلومونون دردینه یانماق اوچون تاوان وئرن بیرینه توخونور. ایندی بیر سورو یارانیر بورادا. باشقالارینین یازیسینین واسیطه سی ایله بیرینه توخونماق نه آنلاما گلیر؟
بونون آنلامی یوخدو.سادجه کیچیک بیر تعریف ایسته ییر. باشقالارینین یازی سینین واسیطه سی ایله بیرینه توخونماق.آخماق لیق دی.دوشونجه سیزدی."من وارام" آنلامینا گلیر.آما نه یازیق کی من وارام دئمک اوچون ،تاوان وئرمه لی سن.دوشونمه لی سن.سینمالی سان.سینامالاسان.
ا.ی :
بیزیم توپلوم کپی پئست بیر توپلوم اولماغا جان آتیر.بو دوشوجه سی اولانا اؤلوم دو. اوخوماغین یئرینه.،گؤز قولاق اولوب،باشقالارینین یازیسی نا حسد اوزوندن آیری بیر کانال دان جاواب وئرمک.گئری ذکالیغین قالیجی اؤرنک لریندن بیری ساییلا بیلر.
ا.ی: قورخولوق اولماق یئرینه،بیر آزدا قورخونو حیس ائتمک،هر توپلومون ایشی دئییل.
     *بئهروز اسماعیل زاده*



بؤلوم | یازار : قارالاما
1 باخیش

بیر قارالاما واهاب حاجی زاده دن

پنجشنبه 24 دی 1394
+0 بَیَن

هانسی دووارلارا یازیرسان یاز
آیریلیق اؤگئی دیر
ایستر سنله منیم آرامدا
ایستر منله هرکس آراسیندا
ایستر لاپ بئله اؤز آرامدا
گؤی اوزونون هانسی قاتینا قاتلانیب یالوارمالیسانسا یالوار
آیریلیق بیر قوشدور
یاری قارقا
یاری بایقوشدور
آماندی چرچیوه لری اؤزگور بوراخ
ایراااق بو قوشدان
بورا بیر قوش قوندو
بیری گؤردو
بیری شئعرلرینین خئییر شرینه قاتدی
بیری بسته له ییب نوتا باغلادی
بیری سسینه  دویونله دی
آما..
مین بیری یاندی
مین بیری اوخودو
یاندی اوخودو
اوخودو یاندی
یاندی اخودو
یاندی-قیندی اوخودو
یاندی اوخودو
قیندی اوخودو
قین دی اوخودو
آیریلیق بیر قوشدور
یاری قارقا...
 یاری بایقوشدو
آماندی چرچیوه لری اؤزگور بوراخ
ایراااق بوقوشدان


"واهاب حاجی زاده"
بؤلوم | یازار : قارالاما
0 باخیش

پینار شاکیردن بیر قارالاما

پنجشنبه 24 دی 1394
+0 بَیَن

هر شی بیتدی دئدییم ده،
 بیتمیشدیر.
هرشی بیتیردی دئدییمده، بیتیرمیشدیر.
ها بیزی..
ها بیت کیمی جانیمیزا دوشن سئوگیمیزی..
هرشی دئدییم ده،
 بیر ایتدی.
من، سن ،او آراسیندا
او، بیر ایت دی
بیزی قاپان
سیزی هارلادان...
هر شئی بیتدی دئدییم ده
دؤنوشسوز بیر بیلیط دیر
دؤن دئدیینده دؤنولمَز بیر گئدیش..
گه دیش لرینی آغارد
گئدیش لریمی سئوین..
گئد ایچ خیانتینی گَبَر،
هر شی بیتدی..
هرشی بیتدی دئدییمده
هرشی بیتدی دئدییمده
هرشی بیتدی دئدییمده
...
زنگ آچ
اؤل دئدییمده اؤلونمز بیر اؤلو کیمیسن،
سسین
تیلفونومون گویلونه دوشور..

"پینار شاکر"
بؤلوم | یازار : قارالاما
1 باخیش

امین حاجیلودان بیر یازی

پنجشنبه 24 دی 1394
+0 بَیَن

دوشونجه تمل میدیر یوخسا اولاسیلیق ایمکانیندان دوغان بیر دوش،اؤنجه سینده بیلینج آلتیمیزا سینن اسینتی می?بو سورغویا جاواب وئرمک اؤز اششه یینین آرخاسیندان چووالین اوغورلاییب،سونرا اوغرونو تاپماق اوچون تفتیش آپاریب و سونوندا من بولدوم من بولدوم من بولدوم دئیه اؤزونو سئویندیرمک اوچون بیر ندن تاپماق کیمی اولماسین دئیه بو سوروغونون دوشونورون(وارسا اگر)دوش لرینده باش وئرمه سین دوشونوب یولا چیخیرام.


آردینی اوخو
بؤلوم | یازار : قارالاما
0 باخیش

امین حاجیلودان بیر قارلاما

چهارشنبه 23 دی 1394
+0 بَیَن
دیلیم لنمیش بیر سوغان دیر حیات
جوجویو منیم
جوجویو منیم
جوجویو منیم
دیرلرده دیرلمیشلییمیز واردیر ققنوس قوشو تک
بیر الیمیزده کول توپاسی
بیر الیمیزده گول توپاسی
بیر الیمیزده آغیزلانان سوغان دادیزدیرماسی
بیر الیمیزده اولوم قیزدیرماسی
بیر الیمیز جءبیمیزده
بیر الیمیز آغاجلارین سلامینا ال ساللاییر
بیر الیمیز بوکولموش یومروق لاری تومارلاماق ایسته یی
بیر الیمیز ساچلانیر تستسترون بوللوغونده
بیر الیمیز ایکینجی سینه قوووشمادان ال الدن اوزولور
دیلیم لنمیش بیر سوغان دیر حیات
دیلین لنمیش بیر آغرینی سویدوقجا آغاردیر
حوجویو سنین
جوجویو سنین
جوجویو سنین
دیرلرده بیر حیکایه حوزونله نیر
آه سوغانجیغیم
آه سوغانجیغیم
آه سوغانجیغیم
آه سوغانجیغیم
آه سوغان جیغیم
آه سوغانجیغیم
آه سوغانجیغیم
"گور بو گرچک عاشیقی سرپا سویورلار دینمه ییر"
دیلیملنمیش بیر حیات دیر سوغان
جوجویو منیم
جوجویو منیم
جوجویو منیم
جوجویو منیم لرده سایاقلانار دیلیملشمه سی

                                       əmin hacilu
بؤلوم | یازار : قارالاما
1 باخیش

بهروز ایسماعیل زاده دن بیر قارالاما

چهارشنبه 23 دی 1394
+0 بَیَن

گؤزلریمده
گئدیردیلری آخساتدیلار
دور -آخسایا آخسایا
منه یاخینلاشدی
بیر- دور- آخ- چکدی مندن گئچدی اوتورماقدا نفس چکدی
هاردان باشلاسا باشیندا بیر آغیز آچماقدا گؤزلرینی یومودو سؤزجوک لر
بیر داش آتدی اورتایا
داشیندی گئتدی داشا پاخیرلاندی حیات
باغریما باسدیقلاریمین هامیسی
آغریدا آغارتدیلار ساچلارینی
باغریما باسدیقلاریمین هامیسی
آغیرلاندی دا آغیز آچدی  منی  ترک ائتمه یه
بیر داش آتدیم اورتا اته یینه
بیر سئودا سولاندی  گؤوده سینده گؤینه یه ره ک
گؤزلریمده
داشینماق لاری داش قالاق قالی-ردی منه
داشینان سئودالارین داشینی باغرینا چالان اینسانلارین اللری
بالدیرلاریندا سورتوندو
صاباح
گلیردیلرین بیرینده سئودایا دادای دوران بیر حیات دادانیب دور- آخسایاجاق منده
صاباح
باشینیزا دوشن بیر شئعیر داشلاناجاق سیزدن
تله سمه یین دئدیییمده تله سرمه یین
تلسمه یین دئدی ده دینلندیرین اؤزونوزو
گؤیدن دوشن اوچ داشا
یوخولارینیزدا آلدانیب
 یارینلار گیله اومودونوز اولسون دئیه


"بهروز اسماعیل زاده"
بؤلوم | یازار : قارالاما
0 باخیش

قارالاما مانیفئستی

یکشنبه 20 دی 1394
+0 بَیَن


“قارالاما مانیفئستینی”
دوشونجه منم. بو تعریف گؤتورمه‌ین بیر جومله‌دیر. ساده‌جه آچیقلانا بیلر. آچیقلاماغین نئچه یؤنو اولدوغو اوچون، سفسطه‌یه مئیلی اولان بیری اولاجاقجاسینا، تهلوکه‌لی و دوزلودور. اصلینده شئیطنت باشلانقیجدا، قورخونون تملینی سارسیتماق اوچون یارانان بیر دوشونجه‌نین، اویوندان لذت آلابیلمه گوجونون ،ساده‌جه قورللارینین نئچه سیندن بیری‌دیر. قورخو دوشونجه منم دئین بیرینه سوروملولوق گتیرمه‌ییر آنجاق، بو دوشونجه‌نین درینلییینی دوشونوب ده، اؤز قوراللارینی تهلوکه‌ده گؤره‌ن آیدین‌لارین بیلینج آلتیندا یاشایان وارلیق لارینا، آچیلان بیر ساواش‌دیر.



آردینی اوخو
بؤلوم | یازار : قارالاما
0 باخیش

[1]